XX. mendeko Euskararen Corpus estatistikoa
Testuingurua
(...), eta auxe izan da gure errege eranak eran dauzan ezpatea; baña, ez izan bildurrik; ba-dau Eskolanda'k zure guraria bete ta ganaz eragiteko lain ondasun be, zeure zeureak diranetan; edergarrian ondoan yarriazkero, eroatekoak yatsuz akatsok.
MALC.- Baña, nik ez dot ezetariko edergarririk, erregeri dagokiozan edergarrietatik, esaterako zuzentasunik, egizale izaterik, neurriko izaterik, tinkotasunik, eskuzabaltasunik, ekiterik, errukirik, apaltasunik, aperturirik, eperik, adorerik, sendotasunik, ez dot onako onein sundarik ba; baña aldean dodaz gaiztakerien edozetariko erak eta merak.
Bai, agintzarik ba'neu nik, su-lezara egotziko neunke gogakidetasun-esne gozoa, orroa egingo neunke alkarren arteko bakearen aurka, ta lurreko batasuna nastu ta kirimildu.
MACD.- Eskolanda'ren errukarri!
Eskolanda'ren errukarri.
MALC.- Esan, onango gizona aginduteko gauza dan, ala ez; esan dodan langoxe naz ni.
MACD.- Aginduteko gauz?
Ez, ezta biziteko be!...
Erri orren errukarri!
Eskubiderik bagako ta agintza-makilea odoldurik daukan agintaria dozu; noz ikusiko ete dozu barriro egun osasuntsurik, zure errege-aulkirako eskubiderik yatorrenak dauzana bere autorrez gauz izan ez, eta bere zanetako odolaren lotsagarri ba'da?
Errege guren-guren izan zan zure aita erregea; bere bizian egunoro ilten zan zu bere belaunen ganean, bere altzoan, bere oñen ganean baño sarriago eroan zenduzan bakaldunoa.
Onik eta ondo ibili!
Barrien-barri zuk zeure buruari ezarririko gatxok izan dira egin-eginean ni Eskolanda'tik erbesteratu nabenak.
Ene biotz ori! ementxe ta oraintxe amaituko dok ire itxaroa!
MALC.- Macduff, nire kezka baltzak uxatu yozak nire gogotik ire biotzaldi zintzo orrek, zindotasunaren seme dan biotzaldi orrek, eta ire bene-benetako zindotasun eta omenaren adiskide egin yozak nire gogaketak eta usteak.
Txerrenaren Macbeth'ek aleginik asko egin izan yok i legetxe etorriko askoren bitartez ni beraganatuteko; eta zurtasun-apurtxoak beti atzera eragin yaustak iraduz siniste errezetik; baña, Gioko Yauna gure artean izango al dok!
Ointxeganik yarten nok ire esanera, eta ez esantzat atzera irunsten yoadaz nik nire kaltez esaniko zer guztiak; (...)